Ngerunggui Kerja

Ngerunggui Kerja       A.Pembukaan : Jenis kerja ibas kalak karo : Ø  1.Kerja erdemu bayu Ø  2.Kerja Petuturken Ø  3.Kerja ngeranaken Arti 1.1.                Kerja erdemu bayu : kalak sierjabu lit hubung en keluarga ( dareh ),ikataken muat beru singumban  -muat impal, anak turang nandena, -muat impal erkiteken nande bapa(ngumban nini) -muat impal simada dareh nini bulang ( ngumban ture buruk ) Arti 1.2.Kerja Petuturken  : kalak sierjabu lalit hubungeen dareh ( keluarga) Arti 1.3.Kerja ngeranaken : kalak sierjabu la arus tumbuk erjabu ( missal sada merga ,pihak anak beruna ibuatna ) B.Runggu ngembah belo selambar ü  1.Ndudurken kampil kehamaten : jumlah kampil siperlu isikabken  6 ( enem ),tapi  erkiteken ibas runggu enggo ilibatken runggun gereja perlu itambahi sadanari ( jadi 6 tamabh 1 ) sebab bilangen pitu ibas kalak karo kurang jilena,sisadanri e inganna ibas runggun gereja -kampil sienem sada man anak beru,sada ibas tegun senina ,kampil sidua isapna bas sukut ras singalo perbibin,sada ibas kalimbubu singalo bere-bere,sada ibas singalo perninin,sada nari iulihken man singalo ulu emas ras singalo cikenciken ( arah siempo) janah itambahi siempo sada nari isap isi kampil. ü  2.Kata kampil ( nungkun keriahen ukur ) a.sukut: ope ia arih arus iergaina anak beruna,emaka kam anak beru nge metehsa nina b.sirembah kulau/anak beru encidahken  sikab ngambat entah pe morah atena sereh permenna,kai nge akapndu silatengteng perbahan kami ras bengkilandu e kerina maka eluk kendu impalndue ? paksa ise rehsi empo ras  keluarga maba kampilna ,siempo ndudurken isapna man anak beru,maka nina siempo “akupe anak ndu ka nge bapa,ras kita ngkelengi kalimbubunta e,sindudurken kampil pe bage ka nina man sirembah kulau . jabab sirembah kulau bibi ras bengkilana adi payo bagi katandue kami pe meriah ukur kami,la bo perlu ikataken kami enggo ngalo sogok. Nina anak beru man sukut sinereh nggo ngaku siempo enda ndai,maka anak kami kepeken ia ,enggo tambah teman kami engklengi  kam  emaka kami kerina anak berundu enggo meriah ukur kami,emaka bahan lah arih ndu c.emaka sukut nungkun  keriahen ukur man singalo ulu emas sierjabu kerna keriahen ukur na.jabab na adi bagi cuba sungkunndu lebe si sereh e ma ngasup nge pagi ia jadi si empat itengah tengah jabu kami singalo ulu emas. Jabab sitersereh sura-surangku pe bagi sinikatakendu e nge bapa nande,ja pagi kap ndu sikurang tengteng Ula kam mbiar mbiar ngajarken aku. Jawapen singalo ulu emas ,adi bagi kami pe enggo meriah ukur kami, alu bage sukut sinereh pe enggo ermeriah ukur.( dage aarah enda teridah maka sukut sinereh  labanci langsung ngataken  keriahen ukurna. d.anak beru nungkun keriahen ukur man kalimbubu singalo bere-bere,perninin ,bagepe  perbibin. ü  3.Gelar  kerehen si empo ,anak beru siempo nina sura sura kami ibas kerehen kami sekali enda me embah belo selambar,mindo kami tole adi mekuah ate kalimbubu maka itingkatken ku nganting manuk,subab tutus nge ate kami janah enggo me ibaba kami pudun kerja. ( cataten : ibas paksa enda enggo membudaya  maka banci itingkateken ku ngatingh manuk lit ibaba siempo sientebu entebu ) ü  4.kenca si e isengetken kerna ngorati  kerna batang unjuken gelah ieteh siempo ersikap ibas mata kerja… ü  5.ngarihken pudun kerja si enggo baba si empo ü  6.kerna ose-ose.sierjabu  ( ula kataken penganten ) ose lengkap ras emas-emas, orang tua lengkap la er emas emas,sembuyak senina ertanda tanda la erbeligan. ü  7.sijalapen (  enem arah si empo lima arah sinereh ),kenca sie isengkul pudun kerja ,ieje isehken penindih pudun. ü  8.Runggun gereja ngrena / nehken  kata man si atena lawes njabuken bana ipasu-pasu. ü    C. Kerja Adat  ( rancangen kerja sada wari )         Uruten acara : o   1.Persikapen  kerna  pemasumasun ( iaturken Rg gereja )  = iaturken berngi  irumah kalimbubu o   2.Kebaktin pemasu-masun -          Sierjabu  pakenna  benggo rose lengkap ras emas emasna.orang tua pekepar lengkap la er emas emas -          Berkat ku gereja  perpulungen ras sangkep geluh pekepar enggo kundul igereja ras music –song lider rende alu setengah suara rikutken lagu sienggo isikapken.. -          Pt/Dk enggo ersikap ibas kamar persikapen -          Sierjabu ras orang tua pekapar tedis ilebe-lebe gereja  alu ngendes man Rg  Gereja  alu petala tala -          Paksa  sierjabu erdalin alu manjar-anjar bengeket  kubas gereja ,song lider ras music ,lonceng enggo ersora ,Pandita  naik ku mibar .bage sierjabu sehkubas inganna ,langsung ibenaken ibadah. -          Acara ergambar kenca dung kebaktin pemasu-masun o   Pdt ras sierjabu sekali gus ngendesken surat Pasu-pasu o   Pt/dk/em sihadir o   Orang tua sidilaki o   Orang tua sidilaki ras kerina anak ipupusna o   Orang tua sidiberu o   Orang tua sidiberu  ras kerina anak ipupusna o   Sidebanna rikutken tegunna ngerana ijambur ibas peradaten o   Berkat ku Jambur itaurhken Runggun Gereja,ilebe-lebe jambur  naglo-ngalo anak beru si empo, maba kampil kehamaten ras beras piher pengambur-ngamburi janah landek lagu GBKP simalem,sierjabu ras sangkep  nggeluhna landek alu erbaris seh ku ingan na kerinana,gendang ibukui,emaka runggun gereja ngendesken sa man man anak beru pekepar  guna ngaturken perkundul. o   3.Ngaturken runggu ras  pedalan adat o   4.Si empo  ngalari ulu emas ras ciken-ciken o   5.ipelandek sierjabu ,cukup tersada lagu  (cataten : lanai iban ngelegi beru ,erkiteken enggo ngaloken pasu-Pasu  perjabun ) o   6.acara kata pengalo-ngalo / SUKUT: -sukut ras sembuyakna ras sierjabu  à petala-tala ras Senina/gamet,sipemeren,sendalanen                                                                       siparibanen,sepengalon tukur,ras runggun gereja (sipemeren : .anak beru kalimbubu bena-bena/sipemeren bapa,anak beru kalimbubu tua sipemeren                            nini  Bulang      (sendalanen : 1.nak beru singalo bere/simada impal man nande   sisereh                           2.singempoi impal bapa sisereh  (siparibanen : kerina sidilaki si ngempoi senina   nande sisereh, alu bage singerana la banci sidiberu )  ( sipengalon :1 simada dareh silih bapa sinereh  ,2,sinhgalo ulu emas kela -cataten : paksa acara tegun ngerana  sienda ndai, silih-ras turang,bagepe  kela ras anak arah pudi sukut o   7.acara ngerana kalimbubu sunaglo ulu emas ,singalo bere-bere ras singalo peninin -          Simehulina singerana ibenaken  arah datas nari,sebab batangna kalimbubu ndai  radu tedis ia ras biak seninana,sipemerena,sipabribanenna -          Kenca dung kakana kerina ngerana emaka itawarkenna man sioperdemui sembuyak sukut o   8.acara teman meriah/ undangen iaturken rikutken situasi o   9.acara man anak beru D.  Mukul ( dung kerja –naruh ) Penjelasen ; ibas acara mukul enda melala ije teridah simehuli -simendampingi  ibas cara mukul : sada simewakili perbibin,simewakili bere,simewakili ulu emas.  Acarana ; 1.nina bibi ras mami sisereh  buat  anakku apai kam simerincuhna kal,pukulken ras nakan e sulangklen  man bulangenndu, nindu  bagi ersada nakan ras bengkau enda .bageme pasu-pasu Dibata bas jabunta.  bageka sebalikna simewakili ulu emas ngerana ka man siempo buat  anakku apai kam simerincuhna kal,pukulken ras nakan e sulangklen  man ndeharandu, nindu  bagi ersada nakan ras bengkau enda .bageme pasu-pasu Dibata bas jabunta. -kenca bage man ia bagi biasa E. Penutup   §  Bagenda  me sitik sibanci isehken kami man banta  kerina , entah ijah ijenda kerna percakapen kerna adat nereh empo enda  lit sikurang pas  ras payo iakapndu  ula tama-tama ku pusuh. §  Adi lit sibanci itambahi tah ikurangi guna kiniulin perdalanenna ialoken kami alu ukur meriah §  Bujur ras mejuah-juah kita kerina ,Dibata simasu- masu. o    ( Pt M Sitrepu Hp ; 0853 7389 9985 ras Pt Drs P Kbn  )

Pt Drs P Kaban